CHUNTO E-LEMANAKIT PANTUN BULAN

KOLEKSYEN LEKA MAIN ANAK MIT KENA NGAJAR PENGELANDIK JALAI JAKU ENGGAU BUNGAI JAKU

E-Lemanakit tu siti modul koleksyen leka main anak mit ti ditengkebang ngambika ulih mantu pengajar ngajar leka main ba dalam kelas. Leka main tu siti ari aspek ti dikemeratka perintah menua kena ngasilka nembiak ti ngembuan pikir sereta runding ti inovatif enggau kreatif.

      Nembiak tikas satu enggau dua patut ngembuan pengelandik bungai jaku dikena merindang sereta ngenajamka imaginasyen sida. Aktiviti pengelandik bungai jaku mega ngembuan tuju nerenakka pengerindu macha kereban fiksyen enggau ukai fiksyen dikena ngangkatka daya pikir kreatif. Nembiak diberi awak ngeluluka watak, beperindang ngena leka main sereta bekaul jaulka pekara ti dipelajarka sida dikena meransang pengelandik bepikir tikas tinggi.

Nitihka penemu Chemaline (2006) dalam pansik iya ti betajuk Leka Main: Puisi Masyarakat Iban, iya madahka leka main Iban tu agi relevan dikena nyentukka diatu laban tiap iti leka main nya ngundan guna tauka fungsyen ti bebida. Nya alai, E-Lemanakit tu ditempa ngambika ulih ngemuntangka pengajar ngajar nembiak ba sekula.

ASPEK-ASPEK TI BISI DALAM E-LEMANAKIT

Bisi 10 iti leka main :

1. Pantun Bulan
2. Anjun Juli
3. Ai Ansah
4. Biau
5. Jawang
6. Chai Juai
7. Dum Duna
8. Tuk Tungguk
9. Kup Kedaup
10. Ramban